İki körpə valideynlərinin gözü qarşısında tunelə yıxıldı

Avstraliyanın Sidney şəhərindəki dəmir yolu stansiyasında dəhşətli hadisə baş verib. Eyni gündə iki uşaq qatarla platforma arasındakı boşluğa düşüb. Xoşbəxtlikdən hər iki hadisədə faciə baş verməyib.

Baş verən olaylar müşahidə kamerasından lentə alınıb. İlk hadisə belə baş verib- sərnişinlər vaqonlara minərkən, bir azyaşlı qatarla platforma arasındakı boşluğa düşüb. Anası və ətrafdakılar dərhal köməyə qaçaraq, uşağı qatar hərəkətə gəlmədən boşluqdan çıxarmağı bacarıblar.

Ancaq bu hadisə son olmayıb. Bir müddət sonra bir qız uşağı qaçaraq eyni boşluğa düşüb. Yenə valideyni və stansiyadakı digər sərnişinlər azyaşlını ölümdən xilas ediblər. Görüntüləri ictimaiyyətə təqdim edən nəqliyyat idarəsi valideynləri vağzallarda daha ehtiyatlı olmağa səsləyib. Qatarla plafotma arasındakı boşluqların aradan qaldırılması üçün müəyyən addımlar da atılacaq.

Yerli medianın məlumatına görə, həmin boşluqlar bu vaxtadək 238 müxtəlif hadisəyə səbəb olub. (atv.az)

Ölkə.Az