Rusiyalı alpinist Ginnesin Rekordlar Kitabına düşüb

Rusiyalı alpinist Alina Pekova dünyanın ən yüksək 14 dağının hamısına dırmanan ən gənc qadın kimi Ginnesin Rekordlar Kitabına düşüb.

"Ölkə.az" xəbər verir ki, o, bütün zirvələri fəth edərkən 31 yaşında olub.

İdmançı özü İnstaqramda Ginnesin Rekordlar Kitabına daxil edildiyini elan edib. Alina Ginnesin Rekordlar Kitabı sertifikatı ilə şəkillər paylaşıb.

Proqramdakı 14 zirvənin hamısının hündürlüyü 8000 metrdən çoxdur. Onlardan onu Himalay dağlarında, dördü isə Karakorumda yerləşir. Alina Pekova siyahıda 2024-cü ilin oktyabr ayında Himalay dağlarında Şişapanqma dağını (8027 metr) fəth edən sonuncu şəxs olub. O, bütün proqrama bir il yarım vaxt sərf edib. O, 2023-cü ildə 11 səkkiz minlik zirvəyə, son üçünə isə 2024-cü ildə dırmanıb. Alina bütün zirvələri fəth edən ilk rusiyalı olub. 1986-cı ildən bəri proqramı dünyanın hər yerindən 80-dən az insan tamamlayıb.

Elvin

Ölkə.az