Tehran BAEA ilə əməkdaşlıqdan imtina etsə, danışıqlar dayandırılacaq - Tramp
Tehran Vaşinqtonla Beynəlxalq Atom Enerjisi Agentliyinin (BAEA) müfəttişlərinin İslam Respublikasına qayıtması ilə bağlı razılığa gəlməsələr, danışıqlar ləğv ediləcək.
"Ölkə.az" xəbər verir ki, bunu ABŞ prezidenti Donald Tramp Pensilvaniyada jurnalistlərə açıqlamasında bildirib.
"Onlar (İran rəsmiləri – red) bunu bizə daxildə (yəni, 21-22 iyun tarixlərində İsveçrədə keçirilən üzbəüz danışıqlar zamanı – red) bildiriblər. Söhbət 100 faiz yoxlamalardan gedir. Əgər onlar yoxlamalarla bağlı qarşılıqlı anlaşmanın olmaması barədə haqlı olsaydılar, mən sonrakı görüşləri indi ləğv edərdim", - deyə Tramp bildirib.
ABŞ dövlət katibi Marko Rubio isə Yaxın Şərq turnesi çərçivəsində getdiyi Əbu-Dabidə bildirib ki, Tehran BAEA müfəttişlərini qəbul etməkdən imtina edərsə, ABŞ İranla bağlı yeni qərarlar qəbul edəcək.
"Biz onların nəyə razılaşdıqlarını bilirik, amma niyə fərqli danışdıqlarını yox. Daxili siyasətləri nə olursa olsun, düşünürəm ki, bunu anlayacaqlar. Əgər onlar razılaşsalar, proses irəliləyəcək. Əgər etməsələr, Prezident bəzi qərarlar qəbul etməli olacaq".
