Britaniya İŞİD-lə müharibəyə qoşulur

Britaniya oktyabrda ABŞ-ın İŞİD-ə qarşı apardığı hərbi kampaniyaya qoşulmaq haqqında qərar qəbul edə bilər.

Bu informasiyanı ingilis mətbuatı özünün etibarlı mənbələrinə istinadən yayıb.

Mətbuat hələlik bununla bağlı danışıqların getdiyini bildirib. ABŞ-ın kampaniyasına qoşulmaq haqqında qərarın isə yaxın bir neçə həftə ərzində bəlli olacağı deyilir.

Qeyd edək ki, NATO artıq İraq hakimiyyətinə İŞİD-lə mübarizədə silah və humanitar dəstək verməklə yardım edir. ABŞ isə avqustdan etibarən İŞİD-ə aid məntəqələrə aviazərbələr endirir. (axar.az)