Keçmiş kəşfiyyatçının ölüm dosyesi baş nazirə təqdim olundu

Litvinenkonun ölüm dosyesi baş nazirə təqdim olunub.

Britaniyanın baş naziri Devid Kemeron ölkənin xüsusi xidmət orqanları ilə zəhərlənərək öldürülmüş keçmiş DTK zabiti Litvinenkonun dosyesini müzakirə edəcək.

Ölkə.az xəbər verir ki, Rusiya hakimiyyəti tərəfindən sifarişlə öldürüldüyü iddia edilən Litvinenki haqqında Britaniya kəşfiyyatının hesabatı artıq hazırdır. Hesabatda sifarişçi kimi Rusiya hakimiyyətinin və Kremlin adının çəkiləcəyi gözlənilir.

Xatırladırıq ki, Rusiya kəşfiyyatının keçmiş əməkdaşı, Putinə qarşı qatı müxalifətdə dayanan Aleksandr Litvinenko Londonda 1 noyabr 2006-cı ildə Putinin mühafizə xidmətinin zabiti Andrey Loqovoyla görüşdən sonra qəflətən xəstəxanaya düşüb. Ona öldürücü təsir gücünə malik zəhərlə zəhərlənmə diaqnozu qoyulub. Litvinenko Luqovoyla görüşdüyü zaman onunla kofe içdiyini bildirib. 23 noyabr tarixində isə Litvinenko həmin güclü zəhərin təsirindən dünyasını dəyişib. Aparılan ekspertiza nəticəsində Litvininkonu öldürən zəhərin polonium maddəsi olduğu ortaya çıxıb.

Litvinenko Putinə və onun yaxın çevrəsinə qarşı ciddi kompromatlarla dolu bir neçə kitabın, yüzlərlə məqalənin müəllifidir.

Ölkə.az