Gerçək final ortaya çıxdı: Əgər "Aşk-ı Memnu" romana bağlı qalsaydı...
Bəs Aşk-ı Memnu serialı romana tam sadiq qalsaydı, necə bir finalla başa çatacaqdı?
Ölkə.az Türkiyə KİV-ə istinadla xəbər verir ki, Halid Ziya Uşaklıgilin eyniadlı romanı əsasında çəkilən "Aşk-ı Memnu" 2008–2010-cu illər arasında yayımlanmışdı. Daha əvvəl TRT tərəfindən 8 seriya halında serial kimi ekranlaşdırılan bu layihə sosial medianın təsiri ilə gündəmdə qalmağa davam edir.
Serialın finalında Behlül səfil vəziyyətdə qalır, Beşir və Bihter ölür, Firdevs xanım iflic olur və tərk edilir, Nihal və Adnan isə yeni həyat qururdular. Lakin romanın sonluğu bundan fərqli şəkildə bitirdi.
Əgər romana bağlı qalınsaydı, Bihter həyatını itirməzdən çox əvvəl Behlül evi tərk etmiş olacaqdı. Onu necə bir sonun gözlədiyini isə bilməyəcəkdik. Firdevs xanımın Çetin Özder adlı nişanlısı yox idi, buna görə də tərk edilmə hekayəsi olmayacaqdı. İflic keçirməsi kimi bir hadisə də yazılmamışdı. Peyker, Firdevs və Nihatın aqibətinin necə olduğunu da bilməyəcəkdik.
Nihal həqiqətən depressiyaya düşəcəkdi və sağalması üçün atası əlindən gələni edəcəkdi. Evdən uzaqlaşdırılan Matmazel Fransadan, Bülent isə internat məktəbindən geri çağırılacaqdı. Süleyman Əfəndilər də malikanəyə geri dönəcəkdilər. Beşir həqiqəti çox əvvəl açıqlamış olacaqdı və onun vəfatı Bihterdən xeyli sonra baş verəcəkdi.
Həmidə İbrahimova
