Mossad agentləri Xameneini necə asanlıqla öldürdüklərindən danışdı

Ölkə.Az xəbər verir ki, uzun illərdir ölkədə ali rəhbər olan bir şəxsin necə belə asanlıqla öldürürlməsi, onun yerinin kimlərsə tərəfindən satılması məsələsi bütün dünyada müzakirə mövzusuna çevrilib.

Mossad agentləri Xamenei sui-qəsdinin detallarını İngiltərənin “Financial Times” qəzetinə açıqlayıb.

Küçələrdəki kameralara sızıblar

Qəzetə danışan mənbələr Xamenei və yüksək vəzifəli şəxslərin öldürülüdüyü hücumlardan illər əvvəl Mossad agentlərinin Tehranın yol hərəkəti kamerası sisteminə sızdıqlarını bildirib.

Xəbərdə qeyd edilir ki, İsrail İranın rejim müxaliflərini və öz xalqını izləmək üçün istifadə etdiyi şəhərdəki kameraların demək olar ki, hamısına giriş əldə edib. Beləliklə, İsrail kritik mühafizəçilərin hərəkətlərini də ziləyə bilib.

Bildirilir ki, görüntülər Təl Əviv və İsrailin cənubuna ötürülüb, Mossad bu sayədə mühafizəçilərin ünvanları, iş proqramı və kimləri qoruduqlarına dair detallı məlumat əldə edib.

Xüsusilə bir kameranın görüş bucağının əməliyyat üçün həlledici olduğu qeyd edilir. Belə ki, agentlərin mühafizəçilərin Tehranın mərkəzindəki Pastor küçəsində yerləşən Xameneinin kompleksinə çatdıqda şəxsi nəqliyyat vasitələrini harada saxladıqlarını bu formada izlədiyi bildirilib.
Hücumdan əvvəl mobil telefon qüllələri sıradan çıxarılıb.

Qəzet yazır ki, bu addımlar kəşfiyyat əməliyyatının bir parçası olub. İsrailin şənbə günü səhəri Xameneinin yerini təsbit etməsindən sonra Pator küçəsi ətrafındakı bir sıra mobil telefon qüllələri sıradan çıxarılıb, zənglər məşğul göstərilib. Bu da təhlükəsizlik xidmətinin potensial xəbərdarlıqlar almasına mane olub.

“Hər küçəni bilirdik”

“Financial Times”a danışan İsrail kəşfiyyatı rəsmisi deyib:
“Tehranı Qüdsü bildiyimiz kimi bilirdik. Bir yeri böyüdüyünüz küçəni bildiyiniz qədər yaxşı tanıyanda yerində olmayan tək bir şey belə gözünüzdən qaçmır”.

Qəzetin yazdığına görə, Mərkəzi Kəşfiyyat İdarəsinin (CİA) də həyati əhəmiyyətə sahib kəşfiyyat məlumatları təmin edilməsində rolu olub.
İran rəhbərliyi və hərəkətləri haqqında geniş məlumatları İsrail süni intellekt alətləri və alqoritmləri ilə birlikdə araşdıran bu mənbənin Xameneinin öldürüldüyü görüşə qədər baş verən hadisələri izləməyə imkan verdiyi bildirilir.

İclası belə deşifrə ediblər

İsrail və ABŞ Xameneinin iclası harada keçirəcəyini müəyyənləşdirdikdən sonra hərəkətə keçməyə qərar verib.
Müharibə zamanı Xameneinin bomba keçirməyən bunkerlərə və yeraltı sığınacaqlara aparıldığı və erkən müdaxilənin sürpriz elementi yaratdığı bildirilir.

Mossad agentlərinin hücumu aylar boyunca planlaşdırdığı, ancaq yerin təsdiqlənməsindən dərhal sonra əməliyyata başladığı deyilir.

Xameneinin görüşünün planlaşdırıldığı kimi keçəcəyini bilmək üçün yol hərəkəti kameraları, haker hücumuna məruz qalan telefon şəbəkələri və yerindəki MKİ mənbəyindən istifadə edilib.

Hücum zamanı İranın yüksək vəzifəli milli təhlükəsizlik rəsmilərinin binanın başqa bir hissəsində olduğu bildirilir.

Billurə Yunus