İsraili qorxudan məqam: Müharibə niyə yarımçıq qala bilər? - SƏBƏB

Ölkə.Az-ın xəbərinə görə, nəşr yazır ki, ABŞ münaqişədən təsirlənən Yaxın Şərq ölkələrini İrana qarşı hücumlara qoşulmağa inandırmağa çalışır. Anonim İsrail hökumət mənbəsinin sözlərinə görə, Fars körfəzi ölkələri hazırda gözləmə mövqeyi tuturlar, lakin açıq şəkildə Amerika və İsrailin tərəfindədirlər.

Ər-Riyadda səfirlik ərazisində yanğın

İki dron hücumundan sonra ABŞ-nin Ər-Riyaddakı səfirliyində baş verən yanğının videogörüntüləri yayılıb.

Səudiyyə Ərəbistanı Müdafiə Nazirliyi səfirlik ərazisində yanğın faktını təsdiqləyib. Donald Tramp isə səfirliyə hücumla bağlı tədbir görüləcəyini bəyan edib.

İran hücumdan əvvəl mərkəzləri boşaldıb

İran Silahlı Qüvvələrinin Baş Komandanının müşaviri Rəhim Səfəvi bildirib ki, raket mərkəzləri hücumlardan əvvəl boşaldılıb və zərbə alan obyektlərdə hərbi personal olmayıb.

Onun sözlərinə görə, dağıdılan obyektlərdə hərbçilər, mühafizəçilər və ya könüllülər olmayıb.

Səfəvi həmçinin iddia edib ki, İranın kəşfiyyat strukturları regiondakı düşmən hədəfləri, o cümlədən ABŞ və İsrail obyektləri üzərində nəzarət imkanlarına malikdir və yüksək səviyyəli görüşlər barədə məlumat bazası mövcuddur.

Kremlin açıqlamaları

Kremlin sözçüsü Dmitri Peskov bildirib ki, Vladimir Putin Yaxın Şərqdə gərginliyin azaldılması üçün səylər göstərir.

Onun sözlərinə görə, Putin Körfəz ölkələrindən olan həmkarlarına infrastruktur zərbələri ilə bağlı İrana dair narahatlığını çatdırmağı vəd edib;

Rusiya digər dövlətlərin suverenliyinə hörmət edir və onların daxili işlərinə qarışmır;

Putinin hazırkı iş qrafikində Donald Trampla telefon danışığı planlaşdırılmayıb.

Hazırkı vəziyyət göstərir ki, hərbi əməliyyatlarla yanaşı, əsas mübarizə geosiyasi və iqtisadi müstəvidə gedir. Neft qiymətlərinin artımı ABŞ üçün daxili və beynəlxalq təzyiq faktoruna çevrilə bilər. Körfəz ölkələrinin açıq hərbi iştirakdan yayınaraq “gözləmə mövqeyi” seçməsi isə regionda balans siyasətinin davam etdiyini göstərir. Paralel olaraq İranın sərt ritorikası və Rusiyanın vasitəçi tonlu açıqlamaları qarşıdurmanın genişlənmə riskinin hələ də yüksək olduğunu göstərir.

Miri
Ölkə.Az