Tehran: Bu halda bölgədəki bütün limanlar və iqtisadi bölgələr hədəfə alınacaq
Limanlarımıza ən kiçik bir təhlükə olsa, o zaman Fars körfəzindəki heç bir liman və ya gəmi yanalma paltfomaları təhlükəsiz olmayacaq.
Ölkə.az xəbər verir ki, bunu İran Baş Qərargahının sözçüsü briqada generalı Əbülfəzl Şikarçi deyib.
İran telekanalına açıqlama verən Şikarçi bunu ABŞ Mərkəzi Komandanlığının (CENTCOM) “İrandakı mülki liman işçiləri və heyət üzvlərinin hərbi fəaliyyətlərin aparıldığı obyektlərdən dərhal uzaq durmaları" barədə açıqlamasına cavab olaraq deyib.
SEPAH-ın bütün qüvvələrinin bölgədə olduğunu vurğulayan Şikarcı əlavə edib ki, bölgədəki bütün limanlarla yanaşı, iqtisadi bölgələr bizim üçün qanuni hədəfə çevriləcək.
Şikarcı həmçinin region ölkələrini öz ərazilərinin ABŞ hücumları üçün istifadəsinə icazə verməməyə çağırıb.
Mürtəza
