Gürcüstan Patriarxı II İliya vəfat edib - YENİLƏNİB
Gürcüstanın Katolikos-Patriarxı II İliya vəfat edib.
"Ölkə.az" xəbər verir ki, bu barədə “Mtavari Arxi” telekanalı məlumat yayıb.
“Gürcüstanın Katolikos-Patriarxı II İliya 93 yaşında klinikada vəfat edib”, – deyə məlumatda qeyd olunub.
***
Gürcüstanın Katolikos-Patriarxı II İliya səhhətinin qəfil pisləşməsi səbəbindən Tbilisidəki Qafqaz Tibb Mərkəzinə yerləşdirilib.
"Ölkə.az" xəbər verir ki, bu barədə patriarxatın mətbuat xidməti "Facebook" sosial şəbəkəsində məlumat yayıb.
"Sputnik Gürcüstan"ın məlumatına görə, patriarx martın 16-dan 17-nə keçən gecə mədə qanaxması ilə xəstəxanaya yerləşdirilib. O, süni tənəffüs aparatına qoşulub və süni komaya salınıb.
Mərkəzin direktoru Sofio Aspaniadzenin sözlərinə görə, 93 yaşlı patriarxın vəziyyəti ağır olaraq qalır.(oxu.az)
