2 min dollardan başlayan şam yeməyi: dünyanın ən bahalı Michelin ulduzlu restoranları

2 min dollardan başlayan şam yeməyi: dünyanın ən bahalı Michelin ulduzlu restoranları – SİYAHI

Bir çox turist yeni qastronomik təcrübələr əldə etmək üçün səyahət edir, xüsusən də 1900-cü ildən bəri dərc edilən dünyanın ən məşhur və nüfuzlu restoran reytinqi olan məşhur Michelin restoranlarına baş çəkərək.

Ölkə.az xəbər verir ki, ancaq bu zövq çox vaxt ucuz başa gəlmir. Beləliklə, “Chef's Pencil”in ən son reytinqi dünyanın ən bahalı Michelin ulduzlu restoranının Tokioda (Yaponiya) orijinal yapon xərçəng yeməkləri təqdim edən Ginza Kitafuku olduğunu müəyyən edib. Bu restoranda dequstasiya menyusunu sınamaq 2130 dollara başa gələcək.

Crab Course at Ginza Kitafuku

Reytinqdə ikinci yeri Şanxayda (Çin) “Ultraviolet by Paul Pairet” restoranı tutub, onun özəlliyi 10 nəfərin yerləşə biləcəyi yalnız bir stolun olmasıdır. Restoran 1230 dollara müasir eksperimental mətbəxin 20+ yeməklərindən ibarət yalnız bir dequstasiya menyusunu təqdim edir.

Maraqlıdır ki, Yaponiyanın paytaxtı Tokioda dörd, Avropada isə cəmi iki restoran ilk onluğa daxil olub.

“Michelin” ulduzlu dünyanın ən bahalı 10 restoranı

1. Ginza Kitafuku, Tokio, Yaponiya (2130 dollar)

2. Ultraviolet by Paul Pairet, Şanxay, Çin (1230 dollar)

3. Caviar Russe, Nyu-York, ABŞ (975 dollar)

4. Masa, Nyu-York, ABŞ (950 dollar)

5. Azabu Kadowaki, Tokio, Yaponiya (935 dollar)

6. Quince, San-Fransisko, ABŞ (795 dollar)

7. Alchemist, Kopenhagen, Danimarka (760 dollar)

8. Sazenka, Tokio, Yaponiya (745 dollar)

9. Guy Savoy, Paris, Fransa (715 dollar)

10. Ginza Fukujyu, Tokio, Yaponiya (685 dollar) (lent.az)