Ankaradan Kiyev və Moskvaya xəbərdarlıq: Müharibənin genişlənməsini istəmirik
"Biz müharibənin Qara dənizə yayılmasını istəmirik. Qara dənizdə sülhün qorunması vacibdir. Məqsədimiz müharibəni dayandırmaqdır".
Ölkə.az xəbər verir ki, bunu Türkiyə xarici işlər naziri Hakan Fidan Kiyevdə ukraynalı həmkarı Andrey Sibiqa ilə birgə keçirdiyi mətbuat konfransında bəyan edib.
Qara dənizdəki gərginliyə diqqət çəkən Fidan əlavə edib ki, limanları, tankerləri və balıqçı qayıqlarını hədəf almaq və mülki əhalinin həyatını təhlükəyə atmaq bəraət qazandırıla biləcək hadisə deyil.
Rusiya və Ukraynanın atəşkəsə hazır olduqlarını vurğulayan nazir Fidan ümid edirki, müharibədə çatdığımız bu həlledici an sülhün xəbərçisi olacaq.
Qara dənizdəki təhlükəsizlik zəmanətləri ilə bağlı məsələyə toxunan nazir Fidan bildirib ki, Ankara dəniz qüvvələrinə rəhbərlik etməyə razılıq verib və biz bu məsələdə müttəfiqlərimizlə razıyıq.
Mürtəza
