Axios: ABŞ danışıqlar zamanı belə İrana hücum edəcək

Ölkə.Az xəbər verir ki, bu barədə Amerika xəbər agentliyi "Axios" mənbələrə istinadən məlumat yayıb.

Nəşrin ABŞ və İsrail rəhbərliyindəki mənbələrinə görə, Ağ Ev münaqişənin diplomatik həlli üçün şərait yaradır, eyni zamanda hərbi təzyiqi artırır və qüvvələri mümkün quru işğalına hazırlayır.

Bundan başqa, İran hərbi mətbuat xidməti məlumat yayıb ki, İran silahlı qüvvələri İslam Respublikası sahillərindən USS Abraham Linkoln təyyarədaşıyan gəmisinə bir neçə qanadlı raket atıb.

İran dövlət televiziyasının istinad etdiyi açıqlamada raketlərin bəzilərinin hərbi gəmiyə dəydiyi iddia edilib.

Digər bir məlumata əsasən, "The New York Times" (NYT) ABŞ Müdafiə Nazirliyindəki iki mənbəyə istinadən bildirib ki, Pentaqon 82-ci Hava-Desant Diviziyasından təxminən 2000 əsgərə Yaxın Şərqə yenidən yerləşdirilməyə başlamağı əmr edib. Bu barədəməlumat yayıb.

Mənbələr NYT-yə bildiriblər ki, yerləşdirilən qrup təxminən 3000 əsgərdən ibarət briqada olan Təcili Reaksiya Qüvvələrindən (IRF) ibarətdir və bu briqada 18 saat ərzində dünyanın istənilən yerinə yerləşdirilə bilər. Onların sözlərinə görə, kontingentə hər birində təxminən 800 əsgər olan iki batalyon daxildir. Pentaqon rəsmiləri əlavə ediblər ki, yaxın günlərdə Yaxın Şərqə əlavə IRF qoşunları yerləşdirilə bilər.