İsrail ordusunda kadr çatışmazlığı: məcburi hərbi xidmət müddəti uzadılacaq

Ölkə.Az xarici KİV-ə istinadla xəbər verir ki, bu barədə İsrail Baş naziri Benyamin Netanyahu danışıb.

O, yəhudilər tərəfindən müqəddəs hesab edilən Pasxa bayramından sonra məcburi hərbi xidmət qanununu və xidmət müddətinin uzadılmasını gündəmə gətirəcəklərini bildirib.

Qeyd edək ki, İsrail ordusunun sözçüsü Efi Defrin daha əvvəl bildirib ki, İsrail ordusunda hazırda 15.000 əsgər çatışmazlığı var, onlardan 8.000-i döyüş personalıdır.

İsrail Baş Qərargah rəisi Eyal Zamir də təhlükəsizlik kabinetinin iclasında İsrail ordusunun böyük kadr böhranı içində olduğunu bildirib və deyib: "Əgər kadr böhranına həll yolu tapmasaq, ordu dağılacaq".

Xatırladaq ki, İsraildə 18 yaşına çatan hər bir kişi 32 ay, qadınlar isə 24 ay məcburi hərbi xidmət çəkirlər. Ölkədə məcburi xidmət müddətinin 36 aya qədər artırılması ilə bağlı müzakirələr aparılır.

Billurə