Afrikalı generaldan şok iddia: Tehranı asanlıqla ələ keçirə bilərik

Uqanda Tehranı asanlıqla ələ keçirə bilərik və bu elə də çox vaxtımızı almaz.

Ölkə.az xəbər verir ki. belə bir iddia ilə Uqanda Müdafiə Qüvvələrinin komandanı və Uqanda prezidenti Yoveri Museveninin oğlu Muhoozi Kainerugaba sosial media hesabında çıxış edib.
“Bizə Tehranı ələ keçirmək üçün iki həftə vaxt lazımdır”,- Uqanda Ordusunun komandanı Muhoozi Kainerugaba yazıb.

O əlavə edib ki, Tehranı ələ keçirmək üçün bir ordu briqadası yetər.
İsraili dəstəklədiyini açıq şəkildə bəyan edən Uqanda Müdafiə Qüvvələrinin komandanı Muhoozi Kainerugaba paylaşımında bir qadın İsrail əsgərinin ona silahdan necə istifadə etməyi öyrətməyə çalışdığını xatırlayaraq yazıb: "Köhnə bir şəkil. Gözəl bir İsrail Müdafiə Qüvvələri əsgəri mənə silahdan necə istifadə etməyi öyrətməyə çalışırdı. Bu, 17 il əvvəl idi. Əlbəttə ki, sonda mən ona bunu necə etməyi öyrətdim. Allah Uqanda və İsraili qorusun".
Xatırladaq ki, bir müddət əvvəl Uqanda Ordusunun komandanı Muhoozi Kainerugaba ölkəsinin İsrail tərəfdən İrana qarşı döyüşməyə hazır olması barədə açıqlama paylaşıb.

Mürtəza