İran İraqdakı silahlı qruplaşmalar üzərində nəzarəti itirir - ABŞ

Ölkə.Az xəbər verir ki, bu barədə "The War Zone" nəşri məlumat yayıb.

Hesabatda bu yaxınlarda İraqda olmuş ABŞ xüsusi təyinatlı qüvvələrinin keçmiş əməkdaşına istinadən bildirilir ki, Tehranın nəzarəti zəiflədikcə, İran tərəfindən dəstəklənən qruplaşmalar ABŞ-nin maraqlarına qarşı hücumlarını intensivləşdiriblər. Uzun illər ərzində "Kətaib Hizbullah" kimi silahlı qruplaşmalar SEPAH-ın nəzarəti altında fəaliyyət göstərib; SEPAH onları maliyyələşdirir, silahla təmin edir və komandanlıq edirdi, eyni zamanda onların hərəkətlərinə nəzarət edirdi.

Lakin mənbənin bildirdiyinə görə, davam edən hərbi əməliyyatlar zamanı İslam İnqilabı Keşikçiləri Korpusuna dəyən əhəmiyyətli zərər bu qruplaşmaların "zəncirlərini qırıb" və onlara daha müstəqil fəaliyyət göstərmək imkanı verib. Hesabatda bu siyasət dəyişikliyi son vaxtlar İraqdakı ABŞ və koalisiya obyektlərinə hücumların artması ilə əlaqələndirilir.