İran və ABŞ arasında atəşkəs razılığı: Tehrandan CAVAB

İran və ABŞ-nin münaqişəyə son qoyması üçün iki mərhələli razılaşma planı hazırlanıb.

Ölkə.az “reuters”ə istinadən xəbər verir ki, hazırlanan plana əsasən tərəflər iki mərhələli təklif planını qəbul edilərsə, dərhal atəşkəs elan ediləcək.

Məlumata görə, plan yekun razılaşmadan əvvəl atəşkəsi nəzərdə tutur. Məlumatda həmçinin bildirilir ki, Pakistan Ordusunun Baş Qərargah rəisi planı müzakirə etmək üçün ABŞ vitse-prezidenti və İranın xarici işlər naziri ilə ayrıca görüşlər keçirib.

Plana İranın nüvə silahı proqramından imtina etməsi, sanksiyaların qaldırılması və dondurulmuş aktivlərin azad edilməsi kimi müddəalar daxildir.

Pakistan planı tərəflərə təqdim edib. Plan qəbul edilərsə, atəşkəs elan ediləcək, Hörmüz boğazı nəqliyyatın hərəkəti üçün açılacaq və iki həftə ərzində razılıq əldə ediləcək.
İran tərəfi ABŞ ilə atəşkəsi rədd edərək müharibənin tamamilə bitməsi üçün zəmanət tələb edib. İran Xarici İşlər Nazirliyinin sözçüsü bildirib ki , "müvəqqəti atəşkəs cinayətin davam etməsi deməkdir".

İran rəsmisi Tehranın Pakistanın təklifini aldığını və onu nəzərdən keçirdiyini bildirib. İran rəsmisi əlavə edib ki, Tehran heç bir müddətlə razılaşmayıb və qərar vermək üçün heç bir təzyiqi qəbul etməyəcək.

İran rəsmisi bildirib ki, Tehran müvəqqəti atəşkəs müqabilində Hörmüz boğazını açmayacaq. “Çünki biz ABŞ-nin daimi atəşkəsə hazır olduğuna inanmırıq”, - o vurğulayıb.
“Reuters”in yazdığına görə, ABŞ və İsrailin İranın enerji obyektləri üçün hazır əhatəli bombardman planına sahib olduğunu iddia edən mənbələr, Trampın Tehran administrasiyasına verdiyi 48 saatlıq müddəti 8 aprelə qədər uzatmasının razılaşma üçün son bir fürsət yaratmaq məqsədi daşıdığını qiymətləndiriblər.

Mənbələr həmçinin qeyd ediblər ki, danışıqlar üçün daha çox vaxt lazım olarsa, atəşkəs uzadıla bilər.

Mürtəza