Rusiya bu iki jurnalistin ölümündə \"türk izi\" axtarır
Rusiyanın iki tanınmış jurnalistinin ölüm işi yenidən qaldırılıb.
Ölkə.az xəbər verir ki, "Forbes"in rus redaksiyasının baş redaktoru Pol Xlebnikovun və müxalif "Novaya qazeta"nın müxbiri Anna Politkovskayanın ölüm işi yenidən qaldırılıb.
Məlumata görə, ruslar hər iki cinayətin "Lozan cinayətkar qruplaşması" tərəfindən törədildiyini bildirirlər.
Anna Politkovskayanın "Lozan cinayətkar qruplaşması"nın lideri tərəfindən öldürüldüyünü iddia edən Rusiya xüsusi xidmət orqanları, indi də cinayəti Türkiyənin üzərinə atmağa çalışır.
Rusiyanın İstintaq Komitəsi jurnalistin qruplaşma lideri Xoj-Əhməd Nuxayev ilə müsahibəsindən sonra öldürüldüyü iddia olunur.
Qeyd: "Forbes"in rus redaksiyasının baş redaktoru Pol Xlebnikov 9 iyul 2004-cü ildə, Anna Politkovskaya isə 7 oktyabr 2006-cı ildə Moskvada öldürülmüşdülər. Hər iki jurnalist Rusiyadakı hakimiyyətə qarşı radikal mövqedə dayanaraq Kremlin siyasətini ən sərt şəkildə tənqid edirdilər.
Xatırladırıq ki, "Novaya Qazeta"nın müxbiri Anna Politkovskaya ölümündən əvvəl Türkiyədə Xoj-Əhməd Nuxayevdən geniş müsahibə almışdı. Müsahibə "Novaya Qazeta"da "Barbarla söhbət" başlığı altında silsilə şəklində dərc olunmuşdu.
