Tramp bu səbəbdən NATO-nu cəzalandıracaq - WSJ

Ölkə.az xəbər verir ki, bu barədə  WSJ ABŞ prezident administrasiyasındakı mənbələrə istinadən məlumat yayıb.

Nəşrin məlumatına görə,  cəza tədbirində İranla müharibədə lazımi dəstək göstərməyən Şimali Atlantika Müqaviləsi Təşkilatına üzv ölkələrdən Amerika qoşunlarının çıxarılması nəzərdə tutulur.

WSJ xəbər verir ki, yeni plan administrasiyanın yüksək vəzifəli rəsmiləri tərəfindən dəstəklənib. Hazırda planın hazırlanmasının ilkin mərhələsindədir və Ağ Evin NATO-nu cəzalandırmaq üçün müzakirə etdiyi bir neçə variantdan biridir. Bu təşəbbüs, Vaşinqtonun İrana müharibə aparmaq qərarından sonra Tramp administrasiyası ilə onun Avropa müttəfiqləri arasında artan uçurumu vurğulayır. Ümumilikdə, müxtəlif Avropa ölkələrindəki Amerika kontingentinin təxminən 84.000 şəxsi heyəti var və bu rəqəm dəyişə bilər. ABŞ-ın hansı ölkələrdən qoşunlarını çıxaracağı hazırda məlum deyil.

İki administrasiya rəsmisi bildirib ki, qoşunların yenidən yerləşdirilməsi ilə yanaşı, plana ən azı bir Avropa ölkəsində, ehtimal ki, İspaniya və ya Almaniyada ABŞ bazasının bağlanması da daxil ola bilər.

Rəsmilər qeyd ediblər ki, Polşa, Rumıniya, Litva və Yunanıstan da daxil olmaqla "əlverişli ölkələr" vəziyyətdən faydalana bilərlər. 
 
Mürtəza