“Putinlə görüşməyə hazıram” - Zelenskinin görüşmək istəyinin ilginc səbəbi

Ölkə.az xəbər verir ki, bunu Ukrayna Prezidenti Volodimir Zelenski deyib.

Zelenski üçtərəfli danışıqların ABŞ-nin hazırda Yaxın Şərqə daha çox diqqət yetirdiyindən baş tutumadığını bildirib. 

Buna baxmayaraq Zelenski Moskva ilə danışıqların davam etdirilməsində maraqlı olduğunu qeyd edib:

Zelenski hətta Rusiya Prezidenti Vladimir  Putinlə neytral ərazidə görüşməyə hazır olduğunu bir daha vurğulayıb. “Mən Putinlə görüşməyə hazıram. Əlbəttə ki, Moskva da və ya Kiyevdə yox. Əgər o mənimlə görüşməyə hazırsa. Çoxlu yerlər var. Biz Yaxın Şərqdə, Avropada, ABŞ-da istənilən yerdə görüş üçün  yer tapa bilərik" .

Donbasın güzəştə gedilməsi məsələsinə gəldikdə Zelenski deyib ki, biz Donbasın verilməsini müzakirə edə bilmərik: “Əgər Donbası ruslara təhvil versək, onlar heç bir itki vermədən ən müdafiə edilə bilən mövqelərimizi tutacaqlar. Yeni istehkamların tikintisi bir il və ya bir il yarım çəkə bilər. Onlar Xarkova və digər şəhərlərə hücum edə biləcəklər. Bu, cəmiyyətdə parçalanmaya səbəb olacaq. Və istənilən bölünmə Putinin əsas məqsədi və müstəqilliyimizin məhvidir”.

Mürtəza