Poroşenko: "NATO Ukraynaya hərtərəfli hərbi yardıma hazırdır"

Ukrayna prezidenti Pyotr Poroşenko Rasmussenlə birgə verdiyi mətbuat konfransında alyansın onlara hərtərəfli hərbi yardım etməyə hazır olduğunu bildirib.

Poroşenkonun sözlərinə görə, NATO Ukrayna ilə hərbi-texniki əməkdaşlığa, habelə Ukrayna ordusunun ən müasir silahlarla təchiz olunmasına hazırdır.

Bundan əlavə Poroşenko NATO-nun Ukraynanın kibertəhlükəsizliyinə də zəmanət verdiyini vurğulayaraq informasiya təhlükəsizliyi sahəsində də ölkəsinin Şimali Atlantika alyansının yardımlarına ümid bəslədiyini qeyd edib.

NATO-nun baş katibi Rasmussen isə öz növbəsində rəhbərlik etdiyi qurumun dünyada sülhün tərəfdarı olduğunu, amma Rusiyanın aqressiv hərəkətlərinə də adekvat cavab veriləcəyini bildirib. O, Rusiyanı Ukraynanın şərqində qanuni Kiyev hakimiyyətinə qarşı vuruşan separatçılara dəstək verməməyə çağırıb.

Ölkə.az