Çin İrana qabaqcıl radarlar verməyi planlaşdırır - CBS News
Çin İrana hücumlardan qorumaq üçün müasir, qabaqcıl hava hücumundan müdafiə sistemləri verməyi düşünür.
Ölkə.az xəbər verir ki, bu barədə ABŞ rəsmiləri “CBS News”ə bildirib.
Məlumata görə, Pekin İrana X-diapazonlu radar sistemləri tədarük etməyi nəzərdən keçirir. Bu texnologiya ölkənin aşağıdan uçan dronlar və qanadlı raketləri kimi yaxınlaşan təhdidləri aşkarlamaq, izləmək qabiliyyətini əhəmiyyətli dərəcədə artıra və hava hücumundan müdafiə sistemlərini müasir hücumlardan qorumağa kömək edə bilər.
Nəşr qeyd edib ki, Çinin belə bir qərar verib-vermədiyi bəlli deyil.
ABŞ kəşfiyyatı həmçinin göstərir ki, Pekin birbaşa iştirakını gizlətmək üçün hava hücumundan müdafiə sistemlərini İrana, üçüncü ölkələr vasitəsilə köçürməyi düşünür.
Mürtəza
