Yaponiyada pedofiliya qalmaqalı: müəllim 17 il şagirdlərin gizli görüntülərini çəkib
Ölkə.Az-ın "Kyodo" agentliyinə istinadən məlumatına görə, Vakamatsu işlədiyi ibtidai məktəbin üçüncü sinif şagirdinin ətəkaltı görüntülərini gizli şəkildə lentə almaqda şübhəli bilinir. Saxlanılan şəxs günahını etiraf edərək dəhşətli faktların üstünü açıb:
"Təxminən 17 il əvvəl müəllimlik fəaliyyətinə başladığım gündən bəri ibtidai sinifdən tutmuş yuxarı siniflərə qədər şagirdlərin gizli videolarını və şəkillərini çəkmişəm".
Sübutların məhv edilməsi cəhdi
Ota rayonundakı dövlət məktəblərindən birində çalışan Vakamatsu barəsində aprelin 16-da təhsil idarəsinə şikayət daxil olub. Polisin araşdırması zamanı müəllim etiraf edib ki, arxivində 5000-dən çox video və fotoşəkil olub, lakin məktəb rəhbərliyi onu izahat üçün çağırdıqda bütün materialları silib. O, həmçinin şagirdlərin hovuzda paltarlarını dəyişərkən də gizli çəkilişlərini apardığını bildirib.
Keçmiş cinayət faktı
İstintaq materiallarına görə, ötən ilin iyun ayında da müəllim bənzər əmələ görə saxlanılıbmış. Həmin vaxt o, sinifdə döşəmə yuyan üçüncü sinif şagirdinin alt paltarında olan görüntülərini arxadan videoya çəkdiyi üçün həbs olunub.
Hadisə Yaponiyanın təhsil sistemində təhlükəsizlik məsələlərini yenidən gündəmə gətirib.
