Səudiyyə Ərəbistanı razılıq vermədi, Tramp əməliyyatı təxirə saldı - Şok iddia

Ölkə.Az xəbər verir ki, bu barədə “NBC News” mənbələrə istinadən   məlumat yayıb.
Nəşr ABŞ rəsmisinə istinadən  yazıb ki, Trampın sosial media hesabında elan etdiyi əməliyyatın Körfəz ölkələri üçün sürpriz olub.

Rəsmilər iddia edir ki, Səudiyyə Ərəbistanı hökuməti Vaşinqtona ABŞ ordusunun Şahzadə Sultan hava bazasından uçuşlar həyata keçirməsinə və ya ölkənin hava məkanından istifadə etməsinə icazə verməyəcəyi barədə məlumat verib.

Rəsmilər iddia edir ki, Trampla Səudiyyə Ərəbistanı vəliəhdi Məhəmməd bin Salman arasındakı görüş də heç bir nəticə verməyib və Tramp sonradan əməliyyatı müvəqqəti olaraq dayandırıb.

Digər tərəfdən, Ağ Ev rəsmisi iddia edib ki, bölgədəki müttəfiqlər məsələ ilə bağlı əvvəlcədən məlumatlandırılıblar.

Mayın 4-də Tramp Hörmüz boğazında ilişib qalmış və Yaxın Şərq böhranı ilə əlaqəsi olmayan “neytral” ölkələrdən gələn gəmilərin keçməsinə kömək etməyə başlayacağını elan etdi və bu təşəbbüsü "Azadlıq Layihəsi" adlandırıb. 

ABŞ dövlət katibi Marko Rubio Ağ Evdə keçirdiyi mətbuat brifinqində İranın Hörmüz boğazını bağlaması səbəbindən Körfəz bölgəsindəki 87 fərqli ölkədən təxminən 23.000 mülki şəxsi xilas etmək üçün "Azadlıq Əməliyyatı" na başladıqlarını iddia edib.

Mayın 6-da  isə Tramp "Project Freedom" (Azadlıq Layihəsi)  layihəsinin müvəqqəti olaraq dayandırılması qərarına gəldiyini açıqlayıb.

Mürtəza