Uçurumun kənarında möcüzə: Ağac budağı turisti ölümdən qurtardı - VİDEO

Ölkə.Az Britaniyanın "Need to Know" portalınə istinadən xəbər verir ki, 26 yaşlı gənc dostları ilə birlikdə dağlarda qeyri-turistik alpinist cığırı ilə hərəkət edərkən təsadüfən aşağı yuvarlanıb. O, təxminən 6–7 metr hündürlükdən düşdükdən sonra ağac budaqlarından yapışaraq dayana bilib. Lakin hər an 200 metrlik Qunyi uçurumuna sürüşmək təhlükəsi ilə üz-üzə qalıb.

Məqalə müəllifləri əlavə ediblər ki, hadisə baş verən yerin yaxınlığında "Qunyi Mavi Səma" xilasetmə briqadası üzvlərinin təlimi keçirilirmiş. Hadisə barədə məlumat alan xilasedicilər dərhal turistlərin olduğu istiqamətə yollanıblar.

Gəncin uçuruma yuvarlanmaması üçün onu əvvəlcə polad troslarla ağaca bərkidiblər. Daha sonra xərəyə yerləşdirilən yaralı kəndirlərin köməyi ilə qayadan aşağı endirilib. Bildirilir ki, turist çoxsaylı sınıqlar, həmçinin göz, üz və bel nahiyəsindən ciddi xəsarətlər alıb.