Tehran: Pakistan ABŞ-la danışıqlarda əsas vasitəçidir

İran münaqişənin həlli ilə bağlı ABŞ ilə dialoqunu yalnız Pakistan vasitəsilə aparır, baxmayaraq ki, digər ölkələr də regiondakı gərginliyi azaltmaq üçün addımlar atırlar.

Ölkə.az  xəbər verir ki, bunu İran Xarici İşlər Nazirliyinin sözçüsü Esmail Baqeyi deyib.

 "Müxtəlif ölkələr bu məsələ ilə bağlı əlaqə saxlayır və regiondakı bir çox ölkənin gərginliyin artması ilə bağlı ciddi narahatlıqları var. Lakin Pakistan vasitəçi olaraq qalır. İran və ABŞ arasında rəsmi vasitəçi kimi Pakistan bu sahədə işini davam etdirir", -Baqeyi  qeyd edib.
Bəqayi onu da qeyd edib ki, Qətər həm Tehran, həm də Vaşinqtonla yaxşı münasibətlər saxlayaraq regionun ən fəal ölkələrindən biri olaraq qalır və münaqişənin tənzimlənməsi ilə bağlı fikir və ideyalarını daim İranın xarici işlər naziri Abbas Əraqçi ilə bölüşür.

Mürtəza