Rusiyalı sənətçilər Krıma getməkdən İMTİNA EDİR

Rusiya mediasının yaydığı məlumatlara görə, tanınmış yumorist Vladimir Vinokur Kerç, Feodosiya, Yalta və Simferopolda planlaşdırılan çıxışlarından imtina edib.

"Ölkə.az" xəbər verir ki, bu barədə "Krım. Reallıqları" (Krym.Realii) layihəsi məlumat yayıb.

Məlumatda bildirilir ki, təşkilatçılar artıq konsert biletlərinin satışını dayandırıblar.

"Todes" baletinin Krım turu da sual altındadır. Rəsmi olaraq ləğv qərarı elan edilməsə də, kollektivin yeni proqramının afişasından Yalta, Simferopol, Sevastopol, Feodosiya və Kerç şəhərlərinin adları çıxarılıb.

Bundan əvvəl müğənni Sergey Trofimovun konsertləri təxirə salınıb, "Radio Tapok" qrupunun çıxışları, həmçinin Krım Akademik Teatrındakı tamaşalar isə ləğv edilib. Cənubi Osetiya və Çeçenistandan olan teatrların qastrol səfərlərinin də qarşısı alınıb və bu qərarlar rəsmi olaraq "təhlükəsizlik mülahizələri" ilə izah olunub.(musavat.com)