Hantavirus bir kəndi yox olmaq təhlükəsi ilə üz-üzə qoyub - VİDEO
Təxminən 2000 əhalisi olan Argentinanın Epuyen kəndi 2018-ci ildə hantavirus kabusu ilə üzləşib və xəstəliyə yoluxan 34 nəfərdən 11-i ölüb.
Ölkə.az xəbər verir ki, 33 yaşlı yerli sakin Mailen Valle hantavirusun yayılmasından sonra AFP-yə verdiyi açıqlamada virusdan atası və iki bacısını bir ay ərzində itirdiyini vurğulayıb.
“Heç kim bir ailənin nahar süfrəsinin bir neçə gün ərzində boş qalmasına hazır deyildi. Atamın qatıldığı ad günü məclisi idi və virus daşıyıcısı atamın masasında oturmuşdu. Həmin masada bir neçə nəfər yoluxdu və bəziləri öldü”.
Valle izah edib ki, atasının dəfn mərasimi də yeni infeksiyaların yayılma mərkəzinə çevrilib. Vallenin üç bacısı da orada yoluxub. Bacılardan biri simptomlar başladıqdan "saatlarla" sonra vəfat edib, digəri isə dəfn mərasimi keçirilmədən dəfn edilib.
Xəstəlikdən sağalan 53 yaşlı Viktor Diaz simptomlarını bədən ağrıları, ağızda acı dad və hətta su içməyi belə çətinləşdirən narahatlıq kimi təsvir edib.
"Hamısı zəifliklə başladı. Yemək istəmirdim. Sonra bənövşəyi ləkələr görünməyə başladı. Elə həmin gün huşumu itirdim",- o qeyd edib.
Həkim yoxlaması zamanı Viktor Diazaya hantavirusun yoluxucu olmadığı deyilib.
Daha sonra sözügedən kənddə karantin rejimi tətbiq edilib.
Daha ətraflı videoda:
Mürtəza
