BMT əsgərləri minaya düşdülər: 4 sülhməramlı ölüb

Malidə yola döşənmiş minanın partlaması nəticəsində BMT-nin 4 sülhməramlı əsgəri həlak olub

Ölkə.Az xəbər verir ki, hadisə Malinin şimal-qərbində baş verib. BMT sülməramlılarında xidmət edən çadlı əsgərlərin olduğu olduğu hərbi maşının yoluna döşənmiş mina partlayib, nəticədə 4 əsgər ölüb, 6-sı ağır olmaqla 15 əsgər də yaralanıb.

Xatırladırıq ki, 2012-ci ildə baş vermiş hərbi çevrilişdən sonra ölkə böhrana sürüklənib və nəzarət boşluğundan istifadə edən Tuareq qəbiləsi və radikal islamçı qruplar ölkənin şimal ərazilərinə nəzarəti öz əllərinə alıblar. İslamçı qrupların cənuba doğru irəliləyişinin qarşısını almaq üçün Fransa bu əraziyə öz ordusunu yeritmişdi. Daha sonra Fransa qüvvələri nəzarəti BMT və Mali ordusuna vermişdi. BMT sülhməramlılarına qarşı olan hücumlar sülh danışıqlarına ən çox mane olan səbəbdir. 

Qeyd edək ki, Əlcəzairdə davam edən sülh danışıqları Mali höküməti ilə altı üsyançı qruplaşmanın nümayəndələri arasında aparılır. Malidə və qonşu ölkələrdə kompakt yaşayan Tuareq tayfaları bu ərazilərdə geniş muxtariyyət tələb edirlər.

Orxan Mete

Ölkə.Az