Ukrayna ilə bağlı sülh razılaşması perspektivləri yaxşı görünmür - Rubio
Rusiya-Ukrayna müharibəsinə son qoymaq üçün sazişin bağlanması perspektivləri yaxşı görünmür.
"Ölkə.az" xəbər verir ki, bu barədə ABŞ dövlət katibi Marko Rubio Nümayəndələr Palatasının Xarici İşlər Komitəsindəki dinləmələrdə bildirib.
Onun sözlərinə görə, indiki mərhələdə heç bir tərəf, xüsusən də Rusiya tərəfi sülhə nail olmaq üçün zəruri olan güzəştlərə getmək istəyini göstərməyib: "Biz bu kontekstdə sülhə nail olmaq üçün əlimizdən gələni etməyə hazırıq, çünki inanırıq ki, Ukraynadakı dağıdıcı müharibənin hərbi həlli yoxdur. Bu, yalnız diplomatiya yolu ilə həll edilə bilər, lakin indiyə qədər bu səylər nəticəsiz qalıb”.
O, Yaxın Şərqdə davam edən müharibəyə baxmayaraq, Vaşinqtonun Kiyevə dəstəyinin qaldığını vurğulayıb.
