Rubio: Hətta ruslar Ukraynanın işğalının strateji səhv hesab edir

Rusiya heç vaxt Ukraynadakı məqsədlərinə hərbi yolla nail ola bilməyəcək və danışıqlarda buna nail olmağı tələb edir.

Ölkə.az xəbər verir ki, bu fikri ABŞ Dövlət Katibi Marko Rubio Konqresdəki dinləmələr zamanı ifadə edib. "Dünyada demək olar ki, heç kim, hətta bəzi ruslar belə Ukraynanın işğalının strateji səhv olduğuna şübhə etmirlər. Rusiya, şübhəsiz ki, ilk gündən elan etdiyi məqsədlərə çatmayacaq. Və Rusiya danışıqlarda tələb etdiyi məqsədlərə heç vaxt hərbi cəhətdən nail ola bilməz", - dövlət katib deyib.

O, Ukraynanın Rusiya ərazisinin dərinliklərinə endirdiyi zərbələrin effektivliyini və ordusunun döyüş meydanındakı uğurlarını qeyd edib.

Rubio həmçinin vurğulayıb ki, Ukraynadakı müharibə yalnız diplomatik yolla başa çata bilər və ABŞ danışıqlar prosesində iştirak etməkdən imtina etmir.
“Bu müharibə danışıqlar masasında başa çatacaq. Lakin buna nail olmaq çətindir, çünki tərəflərin mövqeləri çox uzaqdır”, - o qeyd edib.

Rubio əlavə edib ki, Rusiya sülhə nail olmaq üçün güzəştə getmək niyyətində deyil və  buna görə də, hazırda sülh danışıqlarının perspektivləri "çox da nikbin görünmür".

Mürtəza