57 yaş fərqi olan cütlük sosial şəbəkələri iki yerə böldü - VİDEO

81 yaşlı fransız qadın internet vasitəsilə tanış olduğu 24 yaşlı seneqallı kişi ilə iki illik uzaq məsafəli münasibətdən sonra ilk dəfə üz-üzə görüşüb.

Ölkə.az xəbər verir ki, bu barədə Fransa və Seneqal mətbuatında xəbər yayılıb.

Cütlüyün Seneqalda baş tutan görüşü sosial şəbəkələrdə geniş marağa səbəb olub.

Yayılan görüntülərdə onların emosional görüş anları əks olunub. Məlumata görə, tərəflər münasibətlərini rəsmiləşdirmək qərarına gəlib və artıq toy hazırlıqlarına başlayıblar.

Cütlük arasındakı 57 illik yaş fərqi internet istifadəçiləri arasında müzakirələrə səbəb olub. Bəzi sosial media istifadəçiləri münasibəti sevginin yaş tanımadığının sübutu kimi qiymətləndirsə də, digərləri bunu mümkün miqrasiya və ya viza məqsədli evlilik kimi dəyərləndirərək şübhələrini ifadə ediblər. Xəbər qısa müddətdə minlərlə şərh və paylaşım toplayıb.

Həmidə İbrahimova