CENTCOM: ABŞ qüvvələri iki İran pilotsuz uçuş aparatını vurub
ABŞ Silahlı Qüvvələrinin Mərkəzi Komandanlığı (CENTCOM) Yaxın Şərqdə iki İran zərbə tipli pilotsuz uçuş aparatının məhv edildiyini açıqlayıb.
"Ölkə.az" xəbər verir ki, bu barədə CENTCOM "X" sosial şəbəkəsində məlumat yayıb.
Amerika tərəfinin iddiasına görə, pilotsuz uçuş aparatları Hörmüz boğazı bölgəsində beynəlxalq gəmiçiliyin təhlükəsizliyi üçün təhdid yaradırdı.
"Yaxın Şərqdə yerləşən ABŞ qüvvələri iki İran zərbə tipli pilotsuz uçuş aparatını vurub", - deyə komandanlığın açıqlamasında bildirilir.
Hadisənin hansı vaxtda və dəqiq harada baş verdiyi barədə əlavə məlumat verilməyib.
İran tərəfi isə məsələ ilə bağlı hələlik rəsmi açıqlama yaymayıb.
