Paşinyandan Ankaraya çağırış: Sərhədlər açılmalıdır

İrəvan sülhə, regional əməkdaşlığa və qonşu ölkələrlə münasibətlərin normallaşdırılmasına sadiqdir.

Ölkə.az xəbər verir ki, Ermənistanın Baş naziri Nikol Paşinyan parlament seçkilərinin ilkin nəticələrinin açıqlanmasından sonra deyib.

Jurnalistin rəhbərlik etdiyi siyasi qüvvənin seçkilərdə qələbəsindən sonra Türkiyə və Azərbaycan xalqlarına hansı mesajı vermək istədiyi ilə bağlı sualı  cavablandıran Paşinyan deyib ki, rəsmi İrəvanın mövqeyi dəyişməz olaraq qalır.

“Mesaj eyni olaraq qalır. Ermənistan xalqı sülh, regional rifah və regional əməkdaşlığa tərəfdardır. Ümid edirəm ki, bu, həm Türkiyə, həm də Azərbaycan tərəfindən müsbət qarşılanacaq”, - deyə Paşinyan vurğulayıb.

Paşinyanın sözlərinə görə, Ermənistan üçün əsas prioritetlərdən biri Azərbaycanla sülh prosesinin institusional səviyyədə möhkəmləndirilməsidir. "Ermənistan və Azərbaycan arasında sülhü təsis etməliyik", - o qeyd edib.

Ermənistan-Türkiyə münasibətlərinə toxunan Paşinyan deyib ki, İrəvan normallaşma prosesində və iki ölkə arasında dövlət sərhədinin açılmasında daha da irəliləyiş gözləyir.
"Türkiyə ilə sərhəd açılmalıdır. Yəni, Türkiyə sərhədi açmalı və diplomatik münasibətlər qurulmalıdır".

 Mürtəza