Məsud Pezeşkian: Nə döyüş meydanını, nə də danışıqlar masasını tərk etməmişik

İran vətəndaşları üçün milli təhlükəsizlik və sülhün təmin edilməsi hökumətin əsas vəzifəsidir, Ölkə xarici təzyiqlərə boyun əymədən öz hüquqlarını qətiyyətlə müdafiə etmək niyyətindədir.

Ölkə.az xəbər verir ki, bunu İran Prezidenti Məsud  Pezeşkian  X(tviter) sosial media hesabında yazıb.

Ölkənin əsas prioritetlərinin "milli təhlükəsizlik və vətəndaşlarımızın dincliyi" olduğunu qeyd edən Pezeşkian  bildirib ki, biz ölkəmizin nəcib insanlarının hüquqlarını ən yüksək səviyyədə müdafiə edəcəyik və heç bir təhdid qarşısında geri çəkilməyəcəyik.

O əlavə edib ki, İran xalqının hüquqlarını bütün gücü ilə müdafiə edəcəyik: "Biz heç bir təhdiddən geri çəkilməyəcəyik".

Onun sözlərinə görə, diplomatiya və müdafiə milli gücün iki qanadıdır. "Biz nə döyüş meydanını, nə də danışıqlar masasını tərk etməmişik. Ümid edirik ki, birlik və rasional yanaşma yolu ilə İran bu sınaqdan qürurla çıxacaq", - o bildirib.

 Mürtəza