Arktikanı hərbiləşdirmək Rusiyanın cavab addımlarına səbəb olacaq

Arktikada hərbi fəaliyyəti artırmaq üçün atılan hər hansı birtərəfli addım Rusiyanın cavab tədbirlərinə səbəb olacaq.

"Ölkə.az" xəbər verir ki, bu barədə Rusiyanın Kanadadakı səfiri Oleq Stepanov bildirib.

Diplomat deyib ki, Arktika Rusiya üçün xüsusi önəmə malikdir.

"Rusiya ən böyük Arktika gücüdür. Biz şimal enliklərinə sülh, davamlı inkişaf və əməkdaşlıq ərazisi kimi baxırıq. Əminik ki, bu bütün Arktika dövlətlərinin maraqları naminə yaradıcı inkişaf məkanı olaraq qalmalıdır. Məhz buna görə də müəyyən ölkələrin Arktikanı hərbiləşdirmək səyləri təəssüf doğurur". 

Stepanov xəbərdarlıq edib ki, belə bir kurs təhlükəsizliyin möhkəmləndirilməsinə töhfə vermir.

"Hərbi fəaliyyətin hər hansı birtərəfli artması qaçılmaz olaraq cavab tədbirlərinə gətirib çıxarır. Rusiyanın qarşıdurma axtarmır və nəqliyyat marşrutlarının inkişafında, naviqasiya təhlükəsizliyinin təmin edilməsində, ətraf mühitin qorunmasında və yerli xalqların həyat tərzinin qorunmasında əməkdaşlığa hazırdır. Ümid edirik ki, Arktika Şurası sonda region üçün əsas əlaqələndirici mexanizm kimi öz roluna qayıdacaq", - deyə səfir əlavə edib.

Elvin

Ölkə.az