Lukaşenko: Ukrayna və İran münaqişəsi tezliklə həll olunacaq

Ukraynadakı və İran ətrafındakı münaqişələrin bu ilin əvvəlində həll edilə bilər və buna ümid edirəm.

Ölkə.az xəbər verir ki, bunu Belarus Prezidenti Aleksandr Lukaşenko "Əl-Ərəbiyyə"yə müsahibəsində  deyib.

Sülh perspektivləri ilə bağlı sualı cavablandıran Lukaşenko qeyd edib ki, mövcud müharibələr qaçılmaz hallar deyil, "insan amili" səbəbindən yaranır və siyasi iradə ilə onları dayandırmaq olar.

"Hər şey yalnız bir neçə insanın iradəsindən asılıdır. Əgər belə bir iradə varsa, bu müharibələrə bu il mütləq son qoymaq olar. Hətta Rusiya ilə Ukrayna arasındakı münaqişəyə də bu il son qoymaq olar", - deyə o bildirib.

Rusiya-Ukryana, ABŞ-İsrail-İran müharibəsi ilə bağlı mövqeyini açıqlayan  Lukaşenko bəyan edib ki, müharibəni bitirməkdən başqa çarə yoxdur: “Bu il bitəcək. Ümid edirəm ki, hətta yaxın gələcəkdə belə bitəcək".

Onun sözlərinə görə, bu  məsələdə ABŞ rəhbərliyi mümkün deeskalasiyada əsas rol oynaya bilər.

Lukaşenko həmçinin qeyd edib ki, vəziyyət Vaşinqtonu İrana hərbi təzyiqi azaltmağa məcbur edir və İsraillə bağlı gələcək vəziyyət əsasən Amerikanın mövqeyindən asılı olacaq.

Mürtəza