Qızıl külçə axtarışı başladı: tapan şəxs...
Finlandiyanın Laplandiya bölgəsində turistləri cəlb etmək məqsədilə maraqlı aksiya təşkil olunub.
"Ölkə.az" xəbər verir ki, yerli hakimiyyət orqanları dəyəri 20 min avro olan qızıl külçəni gizlədərək xəzinə axtarışı elan ediblər. Qızıl külçəni tapan iştirakçı onu özündə saxlaya biləcək.
Məlumata görə, “Gecəyarısı günəşi altında ov” adlı kvest iyunun 18-də Levi turizm mərkəzində başlayacaq və avqustun 22-dək davam edəcək. İştirakçılar qeydiyyatdan keçdikdən sonra ilk ipucunu əldə edəcəklər.
Təşkilatçılar bildirirlər ki, qızıl külçə istənilən ipucundan sonra tapıla bilər. Bununla belə, hər yeni məlumat iştirakçıların uğur şansını artıracaq.
Qeyd olunur ki, xəzinənin axtarışı zamanı qazıntı aparmağa və ya ərazinin relyefinə müdaxilə etməyə ehtiyac yoxdur.
Levi yaşayış məntəqəsi Şimal qütb dairəsindən yuxarıda yerləşir. Yay aylarında burada gün işığı sutkada 24 saata qədər davam edir.(musavat.com)
