Barak Obama ABŞ prezidenti seçkisində iştirak etmək üçün ərizə verib

Kaliforniya qubernatorluğuna keçmiş namizəd Barak Obama Şou 2028-ci ildə ABŞ-də keçiriləcək prezident seçkisində iştirak etmək üçün namizədlik ərizəsi təqdim edib.

Ölkə.az xəbər verir ki, bu barədə "New York Post" qəzeti məlumat yayıb.

Demokrat Barak Obama Şou may ayında Kaliforniya qubernatorluğu uğrunda apardığı seçki kampaniyası zamanı adının ABŞ-nin 44-cü prezidenti Barak Obama ilə oxşarlığı sayəsində diqqət mərkəzinə düşmüşdü. O, seçki bülletenində yer alan 61 namizəddən biri olsa da, qalib gələ bilməmişdi.

Şou daha əvvəl San-Fransisko körfəzi bölgəsində yerləşən Alamida şəhərinin meri vəzifəsinə də namizəd olmuşdu. Həmin seçkidə o, 16 522 səs toplayaraq ümumi səslərin 0.2 faizini qazanmışdı.

Lakin mer və qubernator seçkidəki uğursuzluqlar onu yolundan döndərməyib. Şou növbəti hədəf kimi ABŞ prezidentliyini seçib və bu vəzifəyə namizəd olmaq qərarını açıqlayıb.

Qəzetin yazdığına görə, o, əslində III Sesil L.Şou adı ilə dünyaya gəlib. Lakin 2013-cü ildə ABŞ-nin sabiq prezidenti Barak Obamadan ilhamlanaraq adını rəsmi şəkildə dəyişib. Onun sözlərinə görə, yeni adı ümid rəmzidir.

"Obama mənim kimi insanlar üçün qeyri-mümkünü mümkün etdi - o, Birləşmiş Ştatların prezidenti oldu", - deyə Şou bildirib.(oxu.az)