İtaliya müdafiə naziri istefa verməyi düşünür

İtaliyanın müdafiə naziri Quido Krosetto müdafiə xərclərinin artırılması ilə bağlı hökumət daxilindəki fikir ayrılıqları fonunda istefa verməyi düşünür.

"Ölkə.az" xəbər verir ki, bu barədə İtaliyanın "La Repubblica" qəzeti mənbələrə istinadən məlumat yayıb.

Nəşrin məlumatına görə, müzakirə büdcə danışıqları və hakim koalisiya daxilində müdafiə sektorunun maliyyələşdirilməsinin tempi və miqyası ilə bağlı fikir ayrılıqları fonunda daha da şiddətlənib.

Məqalədə iddia olunur ki, Krosetto müdafiə siyasətini ölkənin ümumi maliyyə məhdudiyyətləri ilə uyğunlaşdırmaq üçün siyasi təzyiq altında olub.

Nəşr qeyd edir ki, nazir həqiqətən də vəzifəsindən ayrılmağı düşünüb, lakin heç bir qərar verilməyib və ya rəsmi istefa təqdim edilməyib.