Rusiyada "inqilabi yenilik": məşhur avtomobil indi cənazə daşıyacaq
Lada Granta üçün yeni versiya istehsal olunub.
Ölkə.az xəbər verir ki, Rusiyada Lada Granta bazasında xüsusi cənazə daşıyan avtomobillərin istehsalına başlanılıb. Yeni model ritual xidmətlər üçün nəzərdə tutulub və tabutun daşınması üçün xüsusi avadanlıqla təchiz edilib.
Məlumata görə, avtomobildə 2,3 metrlik sürüşən platforma, tabutun bərkidilməsi üçün xüsusi dayaqlar, çələnglər və digər ləvazimatlar üçün bölmələr quraşdırılıb. Salonda həmçinin dezinfeksiya məqsədilə bakterisid lampadan istifadə olunub.
Layihə Nijni Novqorodda fəaliyyət göstərən “ProfMobil NN” şirkəti tərəfindən həyata keçirilib. Bildirilir ki, xüsusi təyinatlı avtomobilin qiyməti təxminən 2,8 milyon rubl təşkil edir.
Lada Granta hazırda Rusiyanın ən çox satılan avtomobillərindən biridir və “AvtoVAZ” modelin istehsalının ən azı 2032-ci ilə qədər davam edəcəyini açıqlayıb.(musavat)
