Kəbənin örtüyü dəyişdirildi

Səudiyyə Ərəbistanının Məkkə şəhərindəki Kəbənin örtüyü dəyişdirilib.

Ölkə.az xəbər verir ki, bu barədə Səudiyyə Ərəbistanında Məscidül-Həram və Məscidül-Nəbəvi İşləri üzrə Baş İdarədən verilən açıqlamada bildirilib

Kəbənin örtüyünün dəyişdirilməsi prosesi ötən axşam 154 nəfərlik mütəxəssis heyəti tərəfindən həyata keçirilib.

47 hissədən ibarət və 1415 kiloqram ağırlığında olan yeni örtüyün quraşdırılması saatlarla davam edib. Kəbə örtüsünün hazırlanması üçün təxminən 825 kiloqram təmiz ipək, 180 kiloqram gümüş və qızıldan istifadə olunub.

Yenisi ilə əvəzlənən köhnə örtük isə Zəmzəm suyu ilə yuyulduqdan sonra muzeylərdə nümayiş etdirilməsi üçün İslam ölkələrinə göndərilir.

Həmidə İbrahimova