Trampdan Brüsselə maraqlı təklif: Hörmüzə dəstək müqabilində Putinə təzyiqə hazıram

ABŞ prezidenti Donald Tramp Hörmüz boğazının minalardan təmizlənməsi üçün Avropa müttəfiqlərinin köməyi müqabilində Ukraynanı dəstəkləməyə və Rusiyaya təzyiqi artırmağa hazır olduğunu bəyan edib.

Ölkə.az “politico”ya istinadən xəbər verir ki, G7 liderləri Fransada keçirilən sammitə İran və Ukrayna müharibəsi ilə bağlı Trampla qızğın qarşıdurmaya hazırlıqlı şəkildə gəliblər.
Nəşrin yazdığına görə, Tramp Ukraynaya qarşı müharibəni dayandırmaq üçün Vladimir Putinə təzyiqi artırmaq istəyini, eləcə də İranla çərçivə atəşkəs sazişini sabitləşdirmək üçün müttəfiqlərin köməyinə ehtiyac olduğunu nümayiş etdirib.

Nəşr Trampın Hörmüz boğazının təhlükəsizliyinin təmin edilməsində Avropanın köməyi müqabilində Ukrayna məsələsində Avropanı dəstəkləyəcəyi "sazişin konturları" haqqında yazır.
Diplomatlardan biri qeyd edib ki, Trampın Hörmüz boğazını minalardan təmizləmək üçün G7 və digər ölkələrdən olan müttəfiqlərinin resurslarına ehtiyacı olacaq.

"Trampın Ukraynanı dəstəkləyəcəyinə dair çox güclü gözləntilər var. O, liderlərə məhz bunu deyib", - nəşr yazıb.

Nəşrin yazdığına görə, G7 liderləri müəyyən şərtlər daxilində kömək etməyə hazır olduqlarını açıq şəkildə bildiriblər.

Almaniya kansleri Fridrix Merz məsələ ilə bağlı deyib: "Həm rəsmi görüşlər zamanı, həm də tədbirlər çərçivəsində qeyri-rəsmi söhbətlər zamanı öz aramızda və ABŞ prezidenti ilə apardığımız müzakirələr mənə müəyyən dərəcədə nikbinlik verir".

Mürtəza