Trampın Makronla görüşündə bədən dili, Makronu necə aşağıladı - FOTO

ABŞ Prezidenti Donald Trampın Fransaya səfəri zamanı protokol qaydalarından uzaq qeyri-adi hərəkətləri ilə yadda qalıb. Bir çox ekspertlər Trampın bu hərəkətini bədən dili ilə Makronu aşağılayıcı diplomatik jest adlandırıb.

Ölkə.az xarici mediaya istinadən xəbər verir ki, Trampla Makron arasındakı qalmaqallı hadisə elə səfərin ilk saatlarından başlayıb.

Birinci, Tramp Makronun onu qarşılamadığına görə incidiyini açıq şəkildə büruzə verib və görüş zamanı onunla çox soyuq şəkildə görüşüb.

İkinci, G7 sammitinə gecikən Tramp toplantı iştirakçılarına açıq şəkildə deyib ki, “mən bosam, mənə gecikmək olar”.

Üçüncü, Tramp Versal sarayında nəzərdə tutulan qala şam yeməyinə Parisə gec gəlməsi səbəbindən üç saatlıq gecikmə ilə başlayıb.

Dördüncü, Trampın təyyarəsinin gözləntisi səbəbindən planlaşdırılan uçuşlar təxirə salınıb. 

Beşinci, əlavə yol xidməti işçiləri hava limanını Versalla birləşdirən magistral yolu bağlayıblar.

Altıncı, Tramp Evian-le-Ben ziyarətindən sonra Versala zirehli prezident maşını ilə gəlib. 

Yeddinci, Makron Trampı limuzinin qapısında qarşılamağa çıxıb və ətrafdakıları geridə qoyub.

Səkkizinci, Versal sarayına gələn Tramp və Makronla əl verib görüşərkən standart qaydadan fərqli olaraq sağ əllərini güc yarışını xatırladan bir tutuşla bir-birinə sıxıblar. Tramp bir neçə dəfə tutuşunu möhkəmləndirərək Makronu bir neçə dəfə özünə tərəf çəkib və əlini Makronun çiyninə vurub.

Qeyd edək ki, Trampı Versalda Makronla yanaşı, həyat yoldaşı Bricit də qarşılayıb. 
Qala qəbulunda isə menyuda müxtəlif donuz əti, Luara vadisindən gətirilmiş qulançar, Burbonez toyuğu, Fransanın müxtəlif bölgələrindən gətirilmiş pendirlər və şokoladlı tort təqdim edilib.

Mürtəza