Ukraynanın Aİ-yə üzvlük prosesi uzun çəkəcək - Merts
Almaniya kansleri Fridrix Merts Ukrayna və Moldova ilə Avropa İttifaqına (Aİ) üzvlüklə bağlı danışıqların başlanmasını alqışlayıb.
"Ölkə.az" xəbər verir ki, o, bu barədə Brüsseldə keçiriləcək Aİ sammitinə gələrkən jurnalistlərə açıqlamasında bildirib.
Merts qeyd edib ki, Avropa Komissiyasının Ukrayna və Moldova ilə danışıqların ilk mərhələsini açması Aİ-nin genişlənməsi istiqamətində mühüm addımdır.
"Bu həftə müvafiq qərarların qəbul edilməsinə və Avropa Komissiyasının Ukrayna və Moldova ilə danışıqlar üçün ilk qrup adlandırılan mərhələni açmasına görə çox şadam. Bunlar Aİ-nin genişlənməsi istiqamətində aydın addımlardır. Hamımız başa düşürük ki, bu proses uzun çəkəcək, amma ilk addım atılmalıdır", – Merts vurğulayıb.
