Üç ölkə Şimali Atlantikada gücünü birləşdirir - RAZILIQ ƏLDƏ OLUNDU

Norveç, Almaniya və Böyük Britaniyanın müdafiə nazirləri cümə axşamı günü sualtı qayıqların aşkarlanması, axtarışı, qorunması və məhv edilməsi üçün birgə işləmək barədə razılaşma imzalayıblar.

"Ölkə.az" xəbər verir ki, bu barədə Norveç Müdafiə Nazirliyi məlumat yayıb.

Bəyanatda deyilir ki, NATO müdafiə nazirlərinin Brüsseldə keçirilən görüşü zamanı Almaniya, Böyük Britaniya və Norveç Şimali Atlantikada sualtı qayıqların fəaliyyətini izləmək üçün daha böyük məsuliyyət daşıyacaqları barədə razılığa gəliblər.

Norveçin müdafiə naziri Tore Sandvik mətbuat açıqlamasında bildirib ki, Norveçin strateji mövqeyi düşmən sualtı qayıqlarından özünü müdafiə edə bilməyin xüsusilə vacib olduğunu göstərir.

"Bu, Norveçin və bütün NATO alyansının təhlükəsizliyi üçün vacibdir. Hazırda Norveçin və Avropanın müdafiə qabiliyyətlərini gücləndiririk", - deyə müdafiə naziri qeyd edib.

“Almaniyadan yeni sualtı qayıqlar, Böyük Britaniyadan isə yeni freqatlar alacağıq. Bugünkü yeni təşəbbüslə strateji əhəmiyyət kəsb edən bir sahədə iki ən vacib Avropa müttəfiqimizlə daha da yaxınlaşırıq”, - deyə Sandvik bildirib.

Elvin
Ölkə.az