Ağ Evə qarşı hücumun əsas təşkilatçısı açıqlandı

Meksikadan olan qanunsuz immiqrant  Ağ Evə qarşı hücumun əsas təşkilatçısı olub.

"Ölkə.az" xəbər verir ki, bu barədə ABŞ Daxili Təhlükəsizlik Departamenti məlumat yayıb.

FTB agentləri Abraham Hermosillo Alvarezi Nebraska ştatının Omaha şəhərində həbs ediblər. İlkin məlumatlara görə, o, Ağ Evə hücumun planlaşdırılması, təşkili və idarə olunmasından məsul olub.

Məlum olub ki, Alvarez 2001-ci ildə ABŞ-a B-2 vizası ilə daxil olub (turistlərə, eləcə də ölkəyə tibbi müalicə və ailə ziyarətləri üçün gələnlərə verilir). Viza müddəti bitdikdən sonra o, ABŞ-ı tərk etməyib. 2014-cü ildə o vaxtkı prezident Barak Obamanın administrasiyası Alvarezə qorunan immiqrasiya statusu verib.

Daha əvvəl FTB-nin Ağ Evdə UFC tədbirinə hücumun qarşısını aldığı bildirilmişdi . İşlə bağlı beş nəfər həbs olunmuş, daha 23 nəfər isə onlarla əlbir olduğu müəyyən edilmişdi. Şübhəlilər kütləvi təxliyəyə səbəb olacaq partlayıcı maddələrlə yüklənmiş dronlardan istifadə edərək Ağ Evin yaxınlığındakı binalara hücum etməyi planlaşdırırdılar. Hücumçular qaçan insanları hədəf almaq üçün snayperlərdən istifadə etmək niyyətində olublar.

Elvin

Ölkə.az