Yaponiyanın yeri dəyişib - Mütəxəsislərdən şok tədqiqat 

2011-ci ildə Tohoku zəlzələsi nəticəsində yaranan seysmik dalğalar Yaponiyadakı plitələrin sərhədlərinə təsir edib və  bu da gözlənilməz dəyişikliklərə səbəb olub.

Ölkə.az  xəbər verir ki, alimlərin gəldiyi qənaətə görə, Tohoku zəlzələsi, Sakit okean lövhəsinin qəfildən Şimali Yaponiyanı daşıyan lövhənin altına sürüşməsi ilə tarixin ən güclü seysmik təkanlarından birini yaradıb.

Çikaqo Universitetinin seysmoloqu Sunyoung Parkın rəhbərlik etdiyi beynəlxalq tədqiqat qrupu, bu nəhəng zəlzələnin yaratdığı seysmik dalğalardan birinin Yer mantiyası ilə maye xarici nüvəsi arasındakı sərhədə qədər nüfuz etdiyini müəyyən edib.

"Journal of Geophysical Research: Solid Earth" jurnalında dərc olunmuş bu tədqiqat yazısında bildirilir ki, nüvə sərhədinə dəyən və yenidən səthə sıçrayan "ScS" adlanan bu güclü kəsici dalğa, Yaponiyanın inkişaf etmiş Yer müşahidə şəbəkəsi sistemi tərəfindən fövqəladə aydınlıqla qeydə alınıb.

Dalğanın təsiri o qədər böyük idi ki, hətta Çindən belə aşkar edilə bilirdi və yer hərəkətlərini ölçən GPS stansiyalarında adi seysmometrlərdən daha aydın görünüb.
Əks olunan dalğa əsas zəlzələdən daha zəif olsa da, Yaponiyanın böyük bir hissəsinə eyni vaxtda və sinxron şəkildə çatdığı üçün kilidlənmiş lövhə sərhədlərində kiçik miqyaslı sürüşməyə səbəb ola bilib.

Elmi dünyasında ilk dəfə təsvir edilən bu fenomen, tək bir böyük qırılma yaratmaq əvəzinə, nəhəng bir lövhə sərhədi boyunca yayıldığı üçün səthdə yeni bir titrəmə yaratmayib. Tədqiqatçılar vurğulayırlar ki, bu mexanizmi tam təsdiqləmək üçün gələcəkdə baş verəcək böyük zəlzələlər də oxşar şəkildə izlənilməlidir.

Mürtəza