"Mənim reytinqimi ölçmək sizin işiniz deyil"
“Populyarlığıma gəldikdə, sizinlə dost olmağımın reytinqimə heç bir müsbət təsiri olmayıb. Nüfuzum sizinlə münasibətimdən deyil, milli maraqları müdafiə etmək qabiliyyətimdən asılıdır. Hər halda, mənim populyarlığım sizin işiniz deyil. Sizə öz maraqlarınıza diqqət yetirməyi məsləhət görürəm”.
"Ölkə.az" xəbər verir ki, bunu İtaliyanın Baş naziri Corciya Meloni ABŞ Prezidenti Donald Trampa cavab olaraq "İnstaqram"da bildirib.
Tramp "Truth Social"dakı paylaşımında qeyd etmişdi ki, Meloni ABŞ-nin İrana qarşı hərbi əməliyyatını dəstəkləməkdən imtina etdiyi üçün aşağı düşən reytinqini artırmaq məqsədilə Fransada keçirilən G7 sammitində birgə şəkil çəkdirməyə çalışıb. Tramp həmçinin İrana qarşı əməliyyat zamanı Amerika təyyarələrinin İtaliya bazalarına girişinin qadağan edilməsi məsələsinə də toxunub. Meloni bazaların istifadəsinin mövcud müqavilələrlə tənzimləndiyini və Romanın hüquqa həmişə hörmət etdiyini deyib: "Bu təxribat hücumlar mənasızdır".
