Qərbin Kiyevin əli ilə başlatdığı müharibə... - Lavrov
Avropa Birliyi ölkələrinin rəhbərləri ABŞ-ı Ukraynadakı münaqişənin tam həlli kursundan yayındıraraq dərhal atəşkəs taktikasına yönəltməyə çalışırlar.
"Ölkə.az" xəbər verir ki, bunu Rusiyanın xarici işlər naziri Sergey Lavrov deyib.
“Bu addımı Ukrayna Silahlı Qüvvələrinə möhlət verilməsi və Avropanın öz hərbi sənayesinin bərpasına imkan yaratması üçün atırlar.
Yenidən fasilə əldə etməyə çalışırlar. Bu fasilə həm onların hərbi sənayesinin bir qədər dirçəlməsi, həm də təbii ki, Zelenski və onun silahlı qüvvələri üçün lazımdır. Buna görə də bu xəttin davam etməsinə təəccüblənmirəm.
Ukraynada baş verənlər Qərbin Kiyevin əli ilə başlatdığı müharibədir. Həmin rejim açıq şəkildə nasist çalarları qazanır. Qərb isə bəyan edir ki, bu rejim Avropa dəyərlərini müdafiə edir”, - o bildirib.
